„Grow & Win“ არის 4-დღიანი ინტენსიური, საავტორო გამოცდილება მათთვის, ვინც კომპანიის სათავეში დგას. ტოპ მენეჯერის ეფექტურობა პირდაპირპროპორციულია მისი შინაგანი მდგრადობისა და მენტალური თავისუფლების.

პროგრამა ფოკუსირებულია „შიგნიდან გარეთ“ ცვლილებაზე: ჩვენ ვანგრევთ იმ ქვეცნობიერ ბარიერებსა და სტერეოტიპებს, რომლებიც ზღუდავს ლიდერის პოტენციალს. აქ ხდება შიშების კონვერტაცია რესურსად და ახალი, სტრატეგიული ენერგიის გათავისუფლება, რაც აუცილებელია რთული ბიზნეს-გამოწვევების სამართავად და გუნდის შთაგონებისთვის. 

ვისთვის არის განკუთვნილი

პროგრამა ექსკლუზიურად შექმნილია იმ ტოპ მენეჯერების, ბიზნესის მფლობელებისა და ლიდერებისთვის, რომლებიც: 

• ხედავენ პიროვნულ ტრანსფორმაციას, როგორც ბიზნესის მასშტაბირების მთავარ ბერკეტს.

• მართავენ მაღალი პასუხისმგებლობის გარემოს და სჭირდებათ ემოციური მდგრადობის ახალი დონე.

• გრძნობენ „მენტალურ ჭერს“ და ეძებენ გზას სტრატეგიული ენერგიის გასათავისუფლებლად.

• აცნობიერებენ, რომ ლიდერის შინაგანი თავისუფლება განსაზღვრავს გუნდის ეფექტურობას.

• მზად არიიან დაანგრიონ ძველი მენტალური მოდელები ახალი, მასშტაბური გამარჯვებებისთვის.

პროგრამის შინაარსი 

დღე I – გამოფხიზლება 

• საკუთარი ცხოვრების რეალური სურათის დანახვა

• ბედნიერებისა და წარმატების პირადი განმარტებების გააზრება

• გადაწყვეტილებების ძალა და ფოკუსის მნიშვნელობა

• ცხოვრების მაფორმირებელი ორი ძალა: ტკივილი და სიამოვნება

დღე II – აღმოჩენა 

• პიროვნული დამოუკიდებლობის დონეები და პროაქტიულობა

• ღირებულებები, რწმენები და პარადიგმების აღმოჩენა

• სოციალური ნიღბების მოხსნა და ნამდვილი „მეს“ გაცნობა

• შფოთვისა და ზეგავლენის წრე — ენერგიის მართვის ინსტრუმენტები

დღე III – გათავისუფლება 

• წარსულის ტკივილისა და დამთრგუნველი გამოცდილებებისგან განთავისუფლება

• პატიების, მიღებისა და საკუთარი თავის სიყვარულის პრაქტიკა

• ჯგუფური მუშაობა და ემოციური განკურნება

• საკუთარი იდენტობისა და ცხოვრების მისიის გაცნობიერება

დღე IV – მოდელირება 

• მომავლის ვიზუალიზაცია და პერსონალური ხედვის შექმნა

• პრიორიტეტების დასმა და ქმედებების დაგეგმვა

• „ცხოვრების გრძელვადიანი სცენარის შექმნა

• მადლიერების კულტივაცია და განახლების ინსტრუმენტები

პროგრამის შედეგები 

პროგრამის გავლის შემდეგ მონაწილეები შეძლებენ: 

• გააცნობიერონ საკუთარი ქცევების, ფიქრებისა და ემოციების ნამდვილი მოტივატორები;

• გათავისუფლდნენ წარსული ტკივილისა და შეზღუდული რწმენებისგან;

• შექმნან უფრო სიღრმისეული კავშირი საკუთარ ღირებულებებსა და საზრისთან;

• განივითარონ პროაქტიული აზროვნება და პასუხისმგებლობის უნარი;

• დაინახონ საკუთარი თავი ახალი პერსპექტივიდან და შექმნან სასურველი მომავლის სურათი;

• შეიძინონ ემოციური ბალანსი, შინაგანი თავისუფლება და ძალა, რომელიც მათ რეალურ წარმატებასა და გამარჯვებამდე მიიყვანს.