არაფინანსისტ მენეჯერებს ხშირად აკლიათ ფინანსური ცოდნა, რაც აფერხებს ინფორმირებული ბიზნეს გადაწყვეტილებების მიღებას, იწვევს რესურსების არაეფექტურ განაწილებას და ხელიდან გაშვებულ შესაძლებლობებს. ჩვენი ტრენინგი „ფინანსები არაფინანსისტი მენეჯერებისთვის“ დაეხმარება თქვენს ლიდერებს, გაიგონ ძირითადი ფინანსური კონცეფციები, სწორად წაიკითხონ ფინანსური ანგარიშგებები, მოახდინონ ფინანსური ინდიკატორების მართებულად ინტერპრეტირება და მიიღონ ფინანსურად გამართული გადაწყვეტილებები, რაც აუცილებელია ორგანიზაციის მდგრადი ზრდისთვის.

ვისთვის არის ეს ტრენინგი?

ეს ტრენინგი განკუთვნილია ყველა იმ მენეჯერისთვის და ლიდერისთვის, ვისაც არ აქვს ფინანსური განათლება, მაგრამ მონაწილეობს ბიზნეს გადაწყვეტილებების მიღებაში.

• საშუალო და ტოპ რგოლის მენეჯერები

• გუნდის ლიდერები

• პროექტის მენეჯერები

• დეპარტამენტის ხელმძღვანელები

პროგრამის ძირითადი შედეგები

ტრენინგის შედეგად თქვენი ორგანიზაცია მიიღებს:

• გაუმჯობესებულ ფინანსურ გადაწყვეტილებებს - მენეჯერები მიიღებენ უფრო ინფორმირებულ გადაწყვეტილებებს.

• რესურსების ოპტიმალურ განაწილებას - ფინანსური ცოდნა ხელს უწყობს ბიუჯეტის ეფექტურ მართვას.

• გაზრდილ მომგებიანობას - ხარჯების მონიტორინგი და შემოსავლების ოპტიმიზაცია.

• გაძლიერებულ სტრატეგიულ დაგეგმვას - ფინანსური მონაცემების სწორად ინტერპრეტაცია უფრო ნათლად წარმოაჩენს კომპანიის შესაძლებლობებს და აუმჯობესებს სტრატეგიულ ხედვას.

რის მიღწევას შეძლებენ მონაწილეები

ტრენინგის დასრულების შემდეგ, თქვენი გუნდის წევრები შეძლებენ:

• ძირითადი ფინანსური ტერმინოლოგიის გაგებასა და გამოყენებას.

• მოგება-ზარალის ანგარიშგების, ბალანსისა და ფულადი ნაკადების მოძრაობის ანგარიშგების წაკითხვასა და ანალიზს.

• ბიუჯეტირების პრინციპების გაგებასა და ხარჯების კონტროლს.

• პროექტების ფინანსური მიზანშეწონილობის შეფასებას.

• ფინანსური მონაცემების გამოყენებას ყოველდღიური და სტრატეგიული გადაწყვეტილებების მისაღებად.

პროგრამის ძირითადი მოდულები

ჩვენი პროგრამის მოდულებსა და პრაქტიკულ სავარჯიშოებს სრულად ვარგებთ თქვენი კომპანიის სპეციფიკურ გამოწვევებს, კულტურასა და მიზნებს, რათა ტრენინგი მაქსიმალურად ეფექტური იყოს თქვენი ორგანიზაციისთვის.

პროგრამა მოიცავს ფინანსური მართვის ძირითად ასპექტებს არაფინანსისტი მენეჯერებისთვის.

• ფინანსების საფუძვლები: ძირითადი კონცეფციები და ტერმინოლოგია.

• ფინანსური ანგარიშგებები: მოგება-ზარალი, ბალანსი, ფულადი ნაკადები - როგორ წავიკითხოთ და გავაანალიზოთ.

• ბიუჯეტირება და ხარჯების კონტროლი: ბიუჯეტის დაგეგმვა, მონიტორინგი და ხარჯების ოპტიმიზაცია.

• პროექტის ფინანსური შეფასება: ინვესტიციების ანალიზი და რისკების შეფასება.

• ფინანსური გადაწყვეტილებები: როგორ გამოვიყენოთ ფინანსური მონაცემები სტრატეგიული არჩევანის გასაკეთებლად.