„სტრატეგიული ლიდერობა“ თინათინ რუხაძის საავტორო პროგრამა

პროგრამის ავტორის შესახებ

თინათინ რუხაძე - სტრატეგიული აზროვნების, ლიდერობისა და ორგანიზაციული ტრანსფორმაციის ექსპერტი, ACT Global-ის დამფუძნებელი და მმართველი პარტნიორი.

თინათინ რუხაძემ საკუთარი სტრატეგიული ხედვით შექმნა ეისითი (ACT) – 5 თანამშრომლისგან შემდგარი კვლევითი ორგანიზაციიდან გლობალურ საკონსულტაციო კომპანიად ქცეული ბიზნესი, რომელიც დღეს საქმიანობს სამ კონტინენტზე, 35 ქვეყანაში. ACT Global-ის წარმატება წარმოადგენს მისი ლიდერობის ფილოსოფიის ცოცხალ მაგალითს - როგორ გარდაიქმნება იდეა სისტემურ გავლენად, როცა მას მართავს ხედვა, მიზანი და სიმტკიცე.

უკვე 20 წელზე მეტია, თინათინი მუშაობს ორგანიზაციებსა და ლიდერებთან, როგორც სტრატეგიული მრჩეველი და ლიდერების ტრანსფორმაციის ქოუჩი. მისი სამუშაო სტილი აერთიანებს ანალიტიკურ აზროვნებას, სისტემურ ხედვას და ფსიქოლოგიის ცოდნას - უნიკალურ სინთეზს, რომელიც შთააგონებს ლიდერებს ხელახლა გაიაზრონ საკუთარი შესაძლებლობები.

თინათინ რუხაძის საავტორო პროგრამა „სტრატეგიული ლიდერობა“ არის ამ გამოცდილებისა და ხედვის ნაყოფი.  პროგრამა შექმნილია იმ აღმასრულებლებისთვის, ვინც აღარ კმაყოფილდება სტატუს-ქვოთი და სურს გახდეს ლიდერი, რომელიც არა მხოლოდ მართავს პროცესს, არამედ ქმნის მომავალს.

პროგრამის კონცეფცია

დღეს ლიდერობა აღარაა ძალაუფლების, კონტროლისა და ინფორმაციის ფლობის შესახებ.  ხელოვნური ინტელექტის ეპოქაში ლიდერის ყველაზე საჭირო უნარები სტრატეგიული, სისტემური და შემოქმედებითი აზროვნების სინთეზია.

თინათინ რუხაძის საავტორო პროგრამა „სტრატეგიული ლიდერობა“ თანამედროვე მმართველებში სწორედ ამ უნარების გაძლიერებას ემსახურება.

პროგრამის მიზანია მენეჯერების ცნობიერება ყოველდღიური საოპერაციო მართვიდან სტრატეგიულ ლიდერობაზე გადართოს  - აღჭურვოს ისინი შესაბამისი ცოდნითა და სტრატეგიული ინსტრუმენტებით; დაეხმაროს ლიდერობის ავთენტური სტილის პოვნაში; გაუუმჯობესოს განსჯის უნარი და გააძლიეროს მათი შინაგანი სიმტკიცე რთული გადაწყვეტილებების მიღებისას; ასწავლოს გავლენიანი კომუნიკაცია და ცვლილებების მართვა; შეაქმნევინოს სასურველი მომავლის ხედვა და რაც მთავარია, მისცეს მათ ამ ხედვის რეალიზაციის მოტივაცია და ძალა.

ვისთვისაა ეს პროგრამა

ეს პროგრამა განკუთვნილია კომპანიის მფლობელებისთვის, დირექტორებისა და აღმასრულებელი რგოლის მენეჯერებისთვის - მათთვის, ვინც ქმნის ორგანიზაციის მომავლის ხედვას, სტრატეგიასა და კულტურას.

• ხელმძღვანელობს ორგანიზაციას, დეპარტამენტს ან სტრატეგიულ ფუნქციას და სურს ოპერაციული მენეჯმენტიდან სტრატეგიულ ლიდერობაზე გადაერთოს;

• უწევს რთული გადაწყვეტილებების მიღება გაურკვევლობასა და კომპლექსურ გარემოში;

• სურს შექმნას ორგანიზაციის განვითარების ნათელი ხედვა და მოახდინოს ორგანიზაციულ კულტურაზე ზეგავლენა;

• ეძებს ახალ პერსპექტივას, რაც მისცემს მეტ სიღრმეს, სიმტკიცესა და თავისუფლებას საკუთარ ლიდერობაში;

• მზად არის თვითშემეცნების, ფიქრისა და ქმედების ახალ საფეხურზე გადასვლისთვის.

• აქვს მზაობა, შეცვალოს სტატუს-ქვო და შექმნას მომავალი.

პროგრამის მოდულები

პროგრამის დეტალები

• მონაწილეობა: წინასწარი გასაუბრების საფუძველზე (შერჩევითი ფორმატი)

• მონაწილეთა რაოდენობა: მაქს. 16

• სესიების რაოდენობა: 10 შეხვედრა

• სესიების სიხშირე: კვირაში ერთხელ

• სასწავლო საათები: 40 აკადემიური საათი (თითო სესია 4 სთ)

• სესიის დრო: სამშაბათი, 16:00 – 20:00 სთ

• პროგრამის ვადები: 21 იანვარი – 21 მარტი, 2026