„მე და ორგანიზაციული გარემო“ რუსუდან თელიას საავტორო პროგრამა

პროგრამის ავტორის შესახებ

რუსუდან თელია - ორგანიზაციის ფსიქოლოგი, მენტალური ჯანმრთელობის კონსულტანტი და EAGT-ის (European Association for Gestalt Therapy) პრაქტიკოსი გეშტალტ-თერაპევტია. იგი არის ACT Global-ის თანადამფუძნებელი და ACT ინსტიტუტის ტრენერ-კონსულტანტი ორგანიზაციული განვითარებისა და ორგანიზაციული კულტურის ტრანსფორმაციის მიმართულებით. მისი პროფესიული პრაქტიკა აერთიანებს ფსიქოლოგიის აკადემიურ და გამოყენებით ცოდნას, ორგანიზაციებისა და გუნდების მართვის მრავალწლიან (20+) გამოცდილებას.

რუსუდან თელიას საავტორო პროგრამა „მე და ორგანიზაციული გარემო“ წარმოადგენს ინდივიდის ფსიქოლოგიის, მენეჯმენტის, ორგანიზაციული კულტურის თეორიისა და პრაქტიკის სინთეზს. პროგრამის მონაწილეებს შესაძლებლობა მიეცემათ სიღრმისეულად გამოიკვლიონ თუ როგორ მოქმედებს პირადი გამოცდილება, ემოციური რეაქციები და ქცევითი პატერნები სამუშაო ურთიერთობებსა და ორგანიზაციულ კლიმატზე; როგორ შეიძლება მათი გაცნობიერებული მართვა პროფესიული ეფექტიანობისა და ჯანსაღი სამუშაო გარემოს შესაქმნელად.

პროგრამა განკუთვნილია როგორც მენეჯერულ, ისე არამენეჯერულ პოზიციებზე დასაქმებული პროფესიონალებისთვის, ვისთვისაც კოლეგებთან ურთიერთობები, გუნდური პროცესები და ორგანიზაციული ატმოსფეროს შექმნა საქმიანობის ძირითად ასპექტს წარმოადგენს.

პროგრამის კონცეფცია

თანამედროვე ორგანიზაციების გამოწვევები იშვიათად არის მხოლოდ სტრუქტურული ან ტექნიკური. უმეტეს შემთხვევაში სირთულეები ჩნდება იქ, სადაც ერთმანეთს ხვდება ადამიანური ემოცია, პირადი გამოცდილება და სამუშაო როლი. სტრესის, ცვლილებებისა და გაურკვევლობის პირობებში მენეჯერისა თუ პროფესიონალის შინაგანი რეაქციები - შიში, კონტროლის სურვილი, დაცვითი სტრატეგიები და ურთიერთობის ავტომატური პატერნები- ხშირად განსაზღვრავს არა მხოლოდ საკუთარ ქცევას, არამედ გუნდისა და ორგანიზაციის კლიმატს.

თანამედროვე პროფესიონალიზმი მოითხოვს არა მხოლოდ მენეჯმენტის ტექნიკების ცოდნას, არამედ შინაგანი პროცესების გაცნობიერებულ მართვას.

რუსუდან თელიას საავტორო პროგრამა „მე და ორგანიზაციული გარემო“ სწორედ ამ საჭიროებას პასუხობს.

პროგრამა ავითარებს უნარს დაინახო, როგორ ქმნის შენი შინაგანი დინამიკა ორგანიზაციულ რეალობას და როგორ შეიძლება ამ რეალობის გაცნობიერებული შეცვლა.

პროგრამის მიზანია მენეჯერებსა და პროფესიონალებს დაეხმაროს:

• საკუთარი ავტომატური რეაქციებისა და ტრიგერების ამოცნობაში;

• რთულ სამუშაო სიტუაციებში ემოციური რეგულაციის გაძლიერებაში

• დაცვითი მექანიზმებისა და პიროვნული ტენდენციების გაცნობიერებაში;

• კონფლიქტის ფსიქოლოგიური მექანიზმების გაგებაში, მის პრევენციასა თუ მართვაში;

• ფსიქოლოგიურად უსაფრთხო და ნდობაზე დაფუძნებული სამუშაო გარემოს შექმნაში;

• ორგანიზაციული კლიმატის „უხილავი“ დინამიკის დანახვასა და მასზე გაცნობიერებულ გავლენაში.

პროგრამა აერთიანებს გამოყენებითი ფსიქოლოგიისა და ტრავმა-ინფორმირებულ მიდგომებს, გეშტალტ-ფსიქოლოგიისა და ორგანიზაციული განვითარების ინსტრუმენტებს. იგი არ წარმოადგენს ჯგუფურ თერაპიას, არამედ ქმნის პროფესიული განვითარების სივრცეს, სადაც მონაწილეები იღებენ სიღრმისეულ ფსიქოლოგიურ ცოდნას, სწავლობენ გამოცდილებით და ეცნობიან პრაქტიკულ სამუშაო ინსტრუმენტებს.

„მე და ორგანიზაციული გარემო“ არის პროგრამა მათთვის, ვისაც სურს შეისწავლოს საკუთარი ინდივიდუალური გამოცდილების, ემოციური და ქცევითი პატერნების გავლენა ორგანიზაციულ და გუნდურ ატმოსფეროზე, იმუშაოს ცოცხალი, ჯანსაღი და მდგრადი სამუშაო კლიმატის შექმნისთვის.

ჯგუფური მუშაობის პარალელურად, პროგრამა ითვალისწინებს თითოეული მონაწილის ინდივიდუალურ მხარდაჭერას: კურსის განმავლობაში თქვენ გექნებათ ერთი პერსონალური სესია რუსუდან თელიასთან, რაც საშუალებას მოგცემთ უფრო სიღრმისეულად და კონფიდენციალურ გარემოში დაამუშაოთ თქვენი კონკრეტული პროფესიული გამოწვევები და პირადი ტრიგერები.

ვისთვისაა ეს პროგრამა

 პროგრამა განკუთვნილია მენეჯერებისა და პროფესიონალებისთვის, ვისაც პასუხისმგებლობა აქვს ადამიანებზე, გუნდურ პროცესებსა და ორგანიზაციულ კლიმატზე. პროგრამა განსაკუთრებით სასარგებლოა მათთვის, ვინც:

• ხელმძღვანელობს ორგანიზაციას, დეპარტამენტს ან გუნდს და სურს უკეთ გააცნობიეროს, როგორ მოქმედებს მისი პირადი სტილი და რეაქციები სამუშაო ურთიერთობებსა და შედეგებზე;

• იღებს გადაწყვეტილებებს სტრესისა და გაურკვევლობის პირობებში და სურს გააძლიეროს ემოციური სიმტკიცე და განსჯის სიცხადე;

• აწყდება რთულ საუბრებს, კონფლიქტებსა და წინააღმდეგობებს გუნდში და ეძებს უფრო გაცნობიერებულ და ეფექტიან ურთიერთობის გზებს;

• სურს შექმნას ნდობაზე და ფსიქოლოგიურ უსაფრთხოებაზე დაფუძნებული სამუშაო გარემო და ორგანიზაციულ კლიმატზე დადებითი ზეგავლენა მოახდინოს;

• ინტერესდება ადამიანური ქცევის სიღრმისეული მექანიზმებით და სურს ახალი პერსპექტივით შეხედოს საკუთარ პროფესიულ როლს;

• მზად არის თვითშემეცნების, ფიქრისა და ქმედების ახალ საფეხურზე გადასვლისთვის.

პროგრამის მოდულები

მეთოდოლოგია

• თეორია (20%) — მოკლე, ინფორმატიული კონცეპტუალური ჩარჩოები, რის მიხედვითაც ხდება საკითხების დამუშავება

• პრაქტიკული სავარჯიშოები და სიმულაციები (40%) — სხეულზე ორიენტირებული სავარჯიშოები, როლური თამაშები, ინდივიდუალური და ჯგუფური აქტივობები.

• ქეისების ანალიზი და განხილვა (20%) — რეალური სიტუაციების განხილვა და მონაწილეებთან გაზიარება.

• რეფლექსია და პირადი ჩანაწერები (20%) — საკუთარი “შინაგანი პროგრამების” გაცნობიერება, “გადაწერა”და ახალი გამოცდილების ინტეგრირება.

პროგრამის შედეგები

პროგრამის გავლის შემდეგ მონაწილეები შეძლებენ:

• გააცნობიერონ საკუთარი „შინაგანი პროგრამები“

• ამოიცნონ ტრიგერები და თავდაცვის სტრატეგიები;

• მართონ ემოციები რთულ სამუშაო სიტუაციებში;

• შექმნან ფსიქოლოგიურად უსაფრთხო გარემო გუნდისთვის;

• გარდაქმნან კონფლიქტი განვითარების შესაძლებლობად.

პროგრამის დეტალები

• მონაწილეობა: წინასწარი გასაუბრების საფუძველზე (შერჩევითი ფორმატი)

• მონაწილეთა რაოდენობა: 16-20

• სესიების რაოდენობა: 8 შეხვედრა

• სესიების სიხშირე: კვირაში ერთხელ

• სასწავლო საათები: 36 აკადემიური საათი (თითო სესია 4 სთ,შემაჯამებელი შეხვედრა 8 სთ)

• სესიის დრო: სამშაბათი, 16:00 – 20:00 სთ

• პროგრამის ვადები: 24 მარტი - 12 მაისი